زار میں سے اپنی پسندیدہ غزلیں تلاش کیجیے!

سننے سے فائدہ، نہ سنانے سے فائدہ کچھ بھی نہیں ہے، بات بڑھانے سے فائدہ؟ پڑتا ہو یا تو سننے سنانے سے کوئی فرق ہوتا ہو یا تو لکھ...

سننے سے فائدہ، نہ سنانے سے فائدہ

سننے سے فائدہ، نہ سنانے سے فائدہ - زار - راحیلؔ فاروق

سننے سے فائدہ، نہ سنانے سے فائدہ
کچھ بھی نہیں ہے، بات بڑھانے سے فائدہ؟

پڑتا ہو یا تو سننے سنانے سے کوئی فرق
ہوتا ہو یا تو لکھنے لکھانے سے فائدہ

روتے پھریں تو کیا ہے؟ رلاتے پھریں تو کیا؟
نقصان ہے نہ، جی کو جلانے سے، فائدہ

یوں بھی ملے گا کیا گڑے مردے اکھیڑ کر؟
اور پھر غزل کا ڈھونگ رچانے سے فائدہ؟

راحیلؔ بے بہا تو ہمی تھے جو لٹ چکے
کیا فائدے کا شور مچانے سے فائدہ؟

0 تبصرے :