زار میں سے اپنی پسندیدہ غزلیں تلاش کیجیے!

شہر میں شور مچ گیا ہو گا ورنہ بولا تو سچ گیا ہو گا میں بھی حرفِ غلط ہی تھا کوئی لکھتے لکھتے کھرچ گیا ہو گا اُس میں ایسا ہے...

شہر میں شور مچ گیا ہو گا

شہر میں شور مچ گیا ہو گا - زار - راحیلؔ فاروق

شہر میں شور مچ گیا ہو گا
ورنہ بولا تو سچ گیا ہو گا

میں بھی حرفِ غلط ہی تھا کوئی
لکھتے لکھتے کھرچ گیا ہو گا

اُس میں ایسا ہے خاص کیا اے دل؟
تیری آنکھوں میں جچ گیا ہو گا

خوار گلشن میں ہو گا جو کوئی
خوشبوؤں میں نہ رچ گیا ہو گا؟

کوئی کوئی کہیں کہیں راحیلؔ
ہو گا، قسمت سے بچ گیا ہو گا

0 تبصرے :