زار میں سے اپنی پسندیدہ غزلیں تلاش کیجیے!

وہ جو دیکھا گیا، سنا نہ گیا ہائے وہ وقت، وہ زمانہ گیا رونے والے تو رو رہے تھے حضور ہنسنے والوں سے کیوں ہنسا نہ گیا؟ غلطی د...

وہ جو دیکھا گیا، سنا نہ گیا

وہ جو دیکھا گیا، سنا نہ گیا - زار - راحیلؔ فاروق

وہ جو دیکھا گیا، سنا نہ گیا
ہائے وہ وقت، وہ زمانہ گیا

رونے والے تو رو رہے تھے حضور
ہنسنے والوں سے کیوں ہنسا نہ گیا؟

غلطی دل کی تھی، مگر دل تھا
ہم سے یہ عذر بھی کیا نہ گیا

کس گلی میں ہوں رہ نشیں یا رب!
کون گزرا کہ دیکھتا نہ گیا؟

عام سا تھا مرض، مگر درمان
جس قدر بھی کیا گیا، نہ گیا

کیا نصیحت نہ کی گئی راحیلؔ؟
ہمی نادان تھے، رہا نہ گیا

0 تبصرے :