بے وفا تھا نہ تھا، خدا جانے

زار - راحیلؔ فاروق کی اردو شاعری کی کتاب

بے وفا تھا نہ تھا، خدا جانے
ہم بہت دیر تک نہیں مانے

وہ تو، یادش بخیر، خوش ہی تھا
ہمیں دکھ دے گئے تھے یارانے

کون کیا تھا، کبھی پتا نہ چلا
چند اپنے تھے، چند بیگانے

کبھی مڑ کے نہ وقت نے دیکھا
کیا سے کیا ہو گئے ہیں ویرانے

میرے دل پر گزر گئی راحیلؔ
لوگ کہتے رہیں گے افسانے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے